Uroloji əməliyyatdan sonra evdə qulluq

Ağrı

• Əksər əməliyyatlarda narkoz zamanı yerli ağrısızlaşdırma edildiyi üçün ilk saatlar ağrısız keçir.
• Sonrakı 2–3 gün parasetamol və ya ibuprofen, yaşa və çəkiyə uyğun dozada, müntəzəm verilir. Dəqiq dozanı dərmanın təlimatına görə və ya həkiminizdən öyrənin.
• Ağrı adətən hər gün azalır. Güclənirsə, həkimə müraciət edin.

Yara və tikişlər

• Tikişlər əksər hallarda əriyən tikişlərdir, çıxarılması lazım deyil, 1–3 həftə ərzində özü düşür.
• İlk günlərdə yara ətrafında yüngül şişkinlik, göyərmə normaldır.
• Sünnət və penis əməliyyatlarından sonra penisin başında sarımtıl, yaş örtük normal sağalmanın hissəsidir.
• Yaranın üzərindəki yapışqan və ya şəffaf sarğını qopartmayın.

Vanna və gigiyena

• Çox vaxt 24–48 saatdan sonra qısa ilıq duş və ya vanna icazə verilir.
• Sabunsuz, yumşaq qurulamaq (sürtmədən, basaraq).
• Kateter və ya sarğı varsa, həkimin xüsusi təlimatına əməl edin.
• Bez istifadə edən körpələrdə bezi tez-tez dəyişin.

Qidalanma

Uşaq narkozdan tam oyandıqdan sonra adi qidalanmasına qayıda bilər. İlk gün yüngül qida, bol maye. Qəbizlikdən qaçmaq üçün su, meyvə və tərəvəz vacibdir: əməliyyatdan sonra gərginləşmə ağrını artırır.

Fəaliyyət

• Uşaq özü istədiyi qədər hərəkət edə bilər, yataqda saxlamaq lazım deyil.
• 1–3 həftə ayaqları aralı oturulan oyuncaqlardan (velosiped, təkərli maşın, at) və güclü idmandan uzaq durmaq (dəqiq müddət əməliyyatdan asılıdır).
• Bağça və məktəbə adətən 2–5 gün sonra qayıdılır.
• Geniş, yumşaq alt paltarı və şalvar.

Nəzarət müayinəsi

Nəzarət müayinəsinin tarixi evə gedərkən təyin edilir. Ondan əvvəl sualınız olduqda WhatsApp ilə yazın, mümkünsə yaranın aydın fotoşəklini göndərin.